ព័ត៌មាន : ដំណឹងប្រចាំថ្ងៃ
មនុស្សប្រុសស្រី២១នាក់រងរបួសធ្ងន់និងស្រាលនៅខេត្តពោធិសាត់
17 ម៉ោង មុន | ដោយ ៖ ខ្មៅ រ៉ុង
មានមនុស្សប្រុសស្រី២១នាក់រងរបួស ធ្ងន់និងស្រាល ដោយឧបទ្ទិវហេតុគ្រោះថ្នាក់ចរាចរណ៍មួយកាលពីវេលាម៉ោង៣និង៤០នាទីទៀបភ្លឺ នាថ្ងៃទី១៨ ខែឧសភាឆ្នាំ២០១២លើកំណាត់ផ្លូវជាតិលេខ ៥ ត្រង់ចំណុចខាងកើតគល់ស្ពាន ស្រង់ធំ ស្ថិតក្នុងភូមិតាកែវលើ ឃុំត្នោតជុំ ស្រុកក្រគរ ។នេះបើតាមវែបសាយអគ្គស្នងការដ្ឋាននគរបាលជាតិចុះផ្សាយឲ្យដឹងនៅថ្ងៃទី១៩ឧសភានេះ។
ប្រភពដដែលបន្តថាគ្រោះថ្នាក់ចរាចរណ៍ខាងលើបង្ករដោយរថយន្តក្រុងរបស់ក្រុមហ៊ុនកម្ពុជាអិចប្រេស ពាក់ស្លាកលេខ ភ្នំពេញ ៣អា ៩៧៤៣ ចំណុះ ៤៥កៅអី ស្ថិតក្នុងទិសដៅពីភ្នំពេញទៅប៉ោយប៉ែត លុះមកដល់ចំណុចកើតហេតុបាន ក្រឡាប់អូសចម្ងាយប្រហែល៥១ម៉ែត្រ បណ្តាលឲ្យអ្នកធ្វើដំណើរក្នុងរថយន្ត ២១នាក់ក្នុងចំណោមអ្នកដំណើរជាង៣០នាក់ របួសធ្ងន់ និង ស្រាលក្នុងនោះមានជនបរទេស ១០នាក់ (ស្រី០៣នាក់)។
មន្រ្តីនគរបាលចរាចរណ៍ម្នាក់បានឲ្យដឹងថា គ្រោះថ្នាក់ចរាចរណ៍នេះបណ្តាលមកពីអ្នក បើកបរងងុយដេក ប៉ុន្តែមិនបណ្តាលឲ្យមានគ្រោះថ្នាក់ដល់អាយុជីវិតនណាម្នាក់នោះទេ ។ ក្រោយ ពេលកើតហេតុ អ្នកបើកបរបានរត់គេចខ្លួនបាត់ ។ ចំពោះជនរងគ្រោះទាំងនោះត្រូវបានសមត្ថកិច្ចនគរបាល បញ្ជូនមកសង្រ្គោះនៅមន្ទីរពេទ្យខេត្តពោធិសាត់៕
រូបភាព៖www.police.gov.kh
Celine Dion ប្រកាសលក់ភូមិគ្រឹះតម្លៃ ២៩.៥ លានដុល្លារ
ក្រសួងការពារជាតិ បញ្ជាក់ពីបញ្ហាសមុទ្រចិនខាងត្បូង មាននៅក្នុងរបៀបវារៈនៃកិច្ចប្រជុំរដ្ឋមន្រ្តីការពារជាតិអាស៊ាន
FeedBurner
Newsletter
Contact us
